“Chelsi”ning kechagi xaridi 21 yoshli Enso Fernandes eng qimmat futbolchilar ro‘yxatiga kirdi. Keling, kuchli o‘ntalikka yana kimlar kirgani ko‘rib chiqamiz.

10. Eden Azar (Belgiya) – 115 mln yevro

Yarim himoyachi 2019 yilda “Chelsi”dan “Real”ga o‘tgan edi. Madridliklar juda ko‘p pul to‘laganlaridan afsuslanishlari aniq.

9. Krishtianu Ronaldu (Portugaliya) – 117 million yevro

2009 yilda "Manchester Yunayted" hujumchisi uchun 117 million yevro juda baland summadek tuyulardi. Ammo "Real Madrid"da Ronaldu o‘zining transfer narxini oqladi.

8. Jek Grilish (Angliya) - 117,5 mln yevro

Grilish 24 yoshli Ronaldudan qimmatroq bo‘lib chiqdi - bu kulgili, ammo 2021 yilda bunday narxlar endi ajablanarli emas edi. Yarim himoyachi "Aston Villa"dan "Man Siti"ga o‘tdi.

6-7. Antuan Grizmann (Fransiya) - 120 million yevro

Yana bir muvaffaqiyatsiz transfer. 2019-yilda “Atletiko”dan “Barselona”ga ko‘chib o‘tgan Grizmann Kataloniyada o‘zini topa olmadi va tez orada eski jamoasiga qaytib keldi.

6-7. Enso Fernandes (Argentina) - 121 million yevro

Enzo unga qilingan investisiyani oqlaydimi? O‘yinchini transfer bozi yopilishiga juda oz vaqt qolganda sotib olishdi.

5. Joau Feliks (Portugaliya) – 127,2 million yevro

"Atletiko" nafaqat qimmatga sotishi, balki sotib olishi ham mumkin. 2019 yilda uzoq vaqtdan beri Ronalduning merosxo‘ri nomini olgan futbolchi "Benfika"dan Madridga ko‘chib o‘tgandi.

4. Filippe Koutino (Braziliya) – 135 mln yevro

Braziliyalik futbolchi "Liverpul"da porladi va 2018 yilda "Barselona" unga e’tibor qaratdi. Ammo u klubda o‘ziniki bo‘la olmadi. Hozir Koutino kamtarona “Aston Villa”da o‘ynaydi.

3. Usmon Dembele (Fransiya) – 140 mln yevro

"Borussiya D" futbolchilarni yaxshi pulga sotishni biladi. Dembele hozir "Barselona"dagi oltinchi mavsumini o‘tkazmoqda va kutilgandek bo‘lmasa-da, jamoaga juda ko‘p foyda keltirdi.

2. Kilian Mbappe (Fransiya) - 180 mln yevro

2017 yilda jahon futbolining asosiy to‘purari “Monako”ni “PSJ”ga almashtirdi. U birinchi mavsumni ijara asosida o‘tkazdi, shundan so‘ng ular to‘liq transferni amalga oshirishdi.

1. Neymar (Braziliya) – 222 million yevro

"Barselona"ning sobiq futbolchisi 2017 yilda "PSJ"ga o‘tgan edi. Ular uni Chempionlar ligasida g‘alaba qozonish uchun olib kelishdi. Ammo hozircha parijliklar bu maqsadiga erisha olmadi.