“Челси”нинг кечаги хариди 21 ёшли Энцо Фернандес энг қиммат футболчилар рўйхатига кирди. Келинг, кучли ўнталикка яна кимлар киргани кўриб чиқамиз.

10. Эден Азар (Бельгия) – 115 млн евро

Ярим ҳимоячи 2019 йилда “Челси”дан “Реал”га ўтган эди. Мадридликлар жуда кўп пул тўлаганларидан афсусланишлари аниқ.

9. Криштиану Роналду (Португалия) – 117 миллион евро

2009 йилда "Манчестер Юнайтед" ҳужумчиси учун 117 миллион евро жуда баланд суммадек туюларди. Аммо "Реал Мадрид"да Роналду ўзининг трансфер нархини оқлади.

8. Жек Грилиш (Англия) - 117,5 млн евро

Грилиш 24 ёшли Роналдудан қимматроқ бўлиб чиқди - бу кулгили, аммо 2021 йилда бундай нархлар энди ажабланарли эмас эди. Ярим ҳимоячи "Астон Вилла"дан "Ман Сити"га ўтди.

6-7. Антуан Гризманн (Франция) - 120 миллион евро

Яна бир муваффақиятсиз трансфер. 2019-йилда “Атлетико”дан “Барселона”га кўчиб ўтган Гризманн Каталонияда ўзини топа олмади ва тез орада эски жамоасига қайтиб келди.

6-7. Энцо Фернандес (Аргентина) - 121 миллион евро

Энцо унга қилинган инвестицияни оқлайдими? Ўйинчини трансфер бози ёпилишига жуда оз вақт қолганда сотиб олишди.

5. Жоау Феликс (Португалия) – 127,2 миллион евро

"Атлетико" нафақат қимматга сотиши, балки сотиб олиши ҳам мумкин. 2019 йилда узоқ вақтдан бери Роналдунинг меросхўри номини олган футболчи "Бенфика"дан Мадридга кўчиб ўтганди.

4. Филиппе Коутиньо (Бразилия) – 135 млн евро

Бразилиялик футболчи "Ливерпул"да порлади ва 2018 йилда "Барселона" унга эътибор қаратди. Аммо у клубда ўзиники бўла олмади. Ҳозир Коутиньо камтарона “Астон Вилла”да ўйнайди.

3. Усмон Дембеле (Франция) – 140 млн евро

"Боруссия Д" футболчиларни яхши пулга сотишни билади. Дембеле ҳозир "Барселона"даги олтинчи мавсумини ўтказмоқда ва кутилгандек бўлмаса-да, жамоага жуда кўп фойда келтирди.

2. Килиан Мбаппе (Франция) - 180 млн евро

2017 йилда жаҳон футболининг асосий тўпурари “Монако”ни “ПСЖ”га алмаштирди. У биринчи мавсумни ижара асосида ўтказди, шундан сўнг улар тўлиқ трансферни амалга оширишди.

1. Неймар (Бразилия) – 222 миллион евро

"Барселона"нинг собиқ футболчиси 2017 йилда "ПСЖ"га ўтган эди. Улар уни Чемпионлар лигасида ғалаба қозониш учун олиб келишди. Аммо ҳозирча парижликлар бу мақсадига эриша олмади.