Yarim himoyachi Ander Errera "Atletik"da 2024 yilgacha qoladi.
Ispaniya klubi matbuot xizmati ijarani yana bir mavsumga uzaytirish variantini faollashtirganini ma’lum qildi. 33 yoshli futbolchi 2022 yilning yozidan buyon "PSJ"dan ijara asosida o‘ynamoqda.
Ijara muddati tugagach, Errera erkin agentga aylanishi mumkin, chunki uning parijliklar bilan shartnomasi 2024 yilning yoziga qadar amal qiladi.
Yarim himoyachi joriy mavsumda “Atletik” safida barcha musobaqalarda 11 ta o‘yinda maydonga tushdi va bitta golli uzatmani amalga oshirdi.