"Roma" yarim himoyachisi Nikolo Dzanyolo atrofidagi vaziyat haqida gapirdi.
Dzanyolo La Gazzetta dello Sport nashriga bergan intervyusida hozir hamma ortiqcha gapirayotganini aytdi. Yarim himoyachi o‘z jamoasiga yordam berishga va har bir o‘yinda bor kuchini berishga tayyorligini ta’kidladi.
Avvalroq, futbolchi ruhiy bosim va zo‘ravonlik uchun "Roma"ni sudga berishi mumkinligi haqida xabarlar tarqalgan edi. Qayd etilishicha, Dzanyolo jamoani tark etishni xohlagan va mashg‘ulotlardan bosh tortgan.
23 yoshli italiyalik futbolchi joriy mavsumda barcha turnirlar doirasida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
