"Рома" ярим ҳимоячиси Николо Дзаньоло атрофидаги вазият ҳақида гапирди.
Дзаньоло La Gazzetta dello Sport нашрига берган интервюсида ҳозир ҳамма ортиқча гапираётганини айтди. Ярим ҳимоячи ўз жамоасига ёрдам беришга ва ҳар бир ўйинда бор кучини беришга тайёрлигини таъкидлади.
Аввалроқ, футболчи руҳий босим ва зўравонлик учун "Рома"ни судга бериши мумкинлиги ҳақида хабарлар тарқалган эди. Қайд этилишича, Дзаньоло жамоани тарк этишни хоҳлаган ва машғулотлардан бош тортган.
23 ёшли италиялик футболчи жорий мавсумда барча турнирлар доирасида 17 та ўйинда майдонга тушиб, 2 та гол урди ва 3 та голли узатмани амалга оширди.
