Madridning “Real” klubi “PSJ”ning yarim himoyachi Marko Asensioni sotib olish borasidagi taklifini rad etdi.

AS xabariga ko‘ra, parijliklar shanba kuni ispaniyalikni sotib olishga harakat qilishgan. Ular madridliklar yozda shartnomasi tugaydigan futbolchini sotishga rozi bo‘lishiga umid qilishgan, ammo rad javobi berilgan.

Madridning “Real” klubi Asensio bilan yangi shartnoma imzolamoqchi, Markoning o‘zi esa “PSJ”ning qiziqishidan mamnun bo‘lsa-da, qolishni ma’qul ko‘radi. Shartnomani uzaytirish bo‘yicha muzokaralar yaqin haftalarda boshlanishi kerak.

Asensio joriy mavsumda La Ligada 13 ta o‘yinda maydonga tushdi va 3 ta golli uzatmani amalga oshirdi.