Мадриднинг “Реал” клуби “ПСЖ”нинг ярим ҳимоячи Марко Асенсиони сотиб олиш борасидаги таклифини рад этди.

AS хабарига кўра, парижликлар шанба куни испанияликни сотиб олишга ҳаракат қилишган. Улар мадридликлар ёзда шартномаси тугайдиган футболчини сотишга рози бўлишига умид қилишган, аммо рад жавоби берилган.

Мадриднинг “Реал” клуби Асенсио билан янги шартнома имзоламоқчи, Марконинг ўзи эса “ПСЖ”нинг қизиқишидан мамнун бўлса-да, қолишни маъқул кўради. Шартномани узайтириш бўйича музокаралар яқин ҳафталарда бошланиши керак.

Асенсио жорий мавсумда Ла Лигада 13 та ўйинда майдонга тушди ва 3 та голли узатмани амалга оширди.