Italiyalik darvozabon Janluidji Donnarumma 2021 yilning yozida «Milan»ni tark etib, «PSJ»ga o‘tgan edi, futbolchi «rossonerilar»ni doimo yaxshi xotiralar bilan eslashini tan oldi.
Uning so‘zlariga ko‘ra, Milanda Jiji fantastik yillarni o‘tkazgan. Shunga qaramay o‘sha yillarda jamoaning natijalari «fantastik»dan ancha yiroq edi.
«Men «Milan»da sakkiz yilni o‘tkazdim. Bolaligimda futbolni o‘yin-kulgi uchun o‘ynaganman, keyin esa 14 yoshimda professional bo‘lishni orzu qilardim.
Sinisha Mixaylovich menga imkon bermoqchiligini bilganimda futbolning bir qismiga aylanganimni his qildim», - dedi Donnarumma.
