Италиялик дарвозабон Жанлуиджи Доннарумма 2021 йилнинг ёзида «Милан»ни тарк этиб, «ПСЖ»га ўтган эди, футболчи «россонерилар»ни доимо яхши хотиралар билан эслашини тан олди.
Унинг сўзларига кўра, Миланда Жижи фантастик йилларни ўтказган. Шунга қарамай ўша йилларда жамоанинг натижалари «фантастик»дан анча йироқ эди.
«Мен «Милан»да саккиз йилни ўтказдим. Болалигимда футболни ўйин-кулги учун ўйнаганман, кейин эса 14 ёшимда профессионал бўлишни орзу қилардим.
Синиша Михайлович менга имкон бермоқчилигини билганимда футболнинг бир қисмига айланганимни ҳис қилдим», - деди Доннарумма.
