L'Equipe nashri xabariga ko‘ra, Liga 1 doirasidagi «Monpelye»ga qarshi o‘yinda (3:1) jarohat olgan «PSJ» hujumchisi Kilian Mbappe UYEFA Chempionlar ligasi 1/8 doirasidagi «Bavariya»ga qarshi birinchi o‘yinni o‘tkazib yuborishi mumkin.
Manbaga ko‘ra, futbolchi tizzasidan jarohat olgan va nemis klubiga qarshi o‘yinni o‘tkazib yuborish xavfi bor.
Eslatib o‘tamiz, Mbappe o‘yinning 20-daqiqasida almashtirilgandi. Uning o‘rniga Ugo Ekitike maydonga tushdi.
Ma’lumot uchun, Mbappe Fransiya chempionatining joriy mavsumida 19 ta o‘yinda maydonga tushib, 13 ta gol urdi va 2 ta golli uzatmani amalga oshirdi. Shuningdek, Chempionlar ligasida 6 ta o‘yinda 7 ta gol urgan.
