L'Equipe нашри хабарига кўра, Лига 1 доирасидаги «Монпелье»га қарши ўйинда (3:1) жароҳат олган «ПСЖ» ҳужумчиси Килиан Мбаппе УЕФА Чемпионлар лигаси 1/8 доирасидаги «Бавария»га қарши биринчи ўйинни ўтказиб юбориши мумкин.
Манбага кўра, футболчи тиззасидан жароҳат олган ва немис клубига қарши ўйинни ўтказиб юбориш хавфи бор.
Эслатиб ўтамиз, Мбаппе ўйиннинг 20-дақиқасида алмаштирилганди. Унинг ўрнига Уго Экитике майдонга тушди.
Маълумот учун, Мбаппе Франция чемпионатининг жорий мавсумида 19 та ўйинда майдонга тушиб, 13 та гол урди ва 2 та голли узатмани амалга оширди. Шунингдек, Чемпионлар лигасида 6 та ўйинда 7 та гол урган.
