Bugun, 2 fevral kuni Sevilyadagi "Benito Vilyamarin" stadionida La Liganing 17-turidan o‘rin olgan qoldirilgan o‘yin bo‘lib o‘tdi va unda mahalliy "Betis" va "Barselona" klublari to‘qnash kelishdi. Kataloniyaliklar bahsda 2:1 hisobida zafar quchdi.
"Ko‘k-anorranglilar"ning 18 yoshli yarim himoyachisi Gavi o‘zining o‘yin raqamini o‘zgartirishga qaror qildi. Bu futbolchini asosiy jamoa o‘yinchisi sifatida qayta ro‘yxatdan o‘tkazish jarayonida sodir bo‘ldi. 30-raqam o‘rniga yosh iste’dod oltinchi raqamga ega futbolkada harakat qiladi. Aynan shu raqam ostida hozirgi murabbiy Xavi Ernandes 1998 yildan 2015 yilgacha jamoada o‘ynagan. Yosh futbolchi kataloniyaliklar safida endigina ikkinchi mavsumini o‘tkazmoqda.
"Barselona" 19 uchrashuvda 50 ochko to‘plagan va La Liga turnir jadvalida ikkinchi o‘rindagi "Real Madrid"dan 8 ochko oldinda birinchi o‘rinda bormoqda. Ayni paytda Madrid klubi zaxirasida bir o‘yin bor.
