Бугун, 2 февраль куни Севилядаги "Бенито Вильямарин" стадионида Ла Лиганинг 17-туридан ўрин олган қолдирилган ўйин бўлиб ўтди ва унда маҳаллий "Бетис" ва "Барселона" клублари тўқнаш келишди. Каталонияликлар баҳсда 2:1 ҳисобида зафар қучди.

"Кўк-анорранглилар"нинг 18 ёшли ярим ҳимоячиси Гави ўзининг ўйин рақамини ўзгартиришга қарор қилди. Бу футболчини асосий жамоа ўйинчиси сифатида қайта рўйхатдан ўтказиш жараёнида содир бўлди. 30-рақам ўрнига ёш истеъдод олтинчи рақамга эга футболкада ҳаракат қилади. Айнан шу рақам остида ҳозирги мураббий Хави Эрнандес 1998 йилдан 2015 йилгача жамоада ўйнаган. Ёш футболчи каталонияликлар сафида эндигина иккинчи мавсумини ўтказмоқда.

"Барселона" 19 учрашувда 50 очко тўплаган ва Ла Лига турнир жадвалида иккинчи ўриндаги "Реал Мадрид"дан 8 очко олдинда биринчи ўринда бормоқда. Айни пайтда Мадрид клуби захирасида бир ўйин бор.