«Nyukasl»ning hujumkor yarim himoyachisi Migel Almiron yelimlangan butsalarda o‘ynaydi. Kuzda paragvaylik futbolchining oyoq kiyimi yirtilgan edi, ammo u bu butsalarini omadli deb hisoblab, yangisini sotib olmadi.

«Omadli butsalarim sendvichdek ochilib ketdi. Men Nil Stokerga (formalar mutaxassisi) nimadir qilish kerakligini aytdim.

U daho - ularni qandaydir tarzda bir-biriga yopishtirdi va butsalarim ajoyib ko‘rinishga keldi. Umid qilamanki, ular men bilan butun mavsum davomida birga bo‘ladi. Keyin ularga imzo chekib, muxlislarga beraman», - dedi Almiron.

Eslatib o‘tamiz, Migel Almiron 2022/2023 yilgi mavsumda «Nyukasl» safida 26 ta o‘yinda maydonga tushdi. Ularda futbolchi 9 ta gol urdi va sheriklariga 3 ta golli uzatma berdi.