«Ньюкасл»нинг ҳужумкор ярим ҳимоячиси Мигель Альмирон елимланган бутсаларда ўйнайди. Кузда парагвайлик футболчининг оёқ кийими йиртилган эди, аммо у бу бутсаларини омадли деб ҳисоблаб, янгисини сотиб олмади.
«Омадли бутсаларим сендвичдек очилиб кетди. Мен Нил Стокерга (формалар мутахассиси) нимадир қилиш кераклигини айтдим.
У даҳо - уларни қандайдир тарзда бир-бирига ёпиштирди ва бутсаларим ажойиб кўринишга келди. Умид қиламанки, улар мен билан бутун мавсум давомида бирга бўлади. Кейин уларга имзо чекиб, мухлисларга бераман», - деди Альмирон.
Эслатиб ўтамиз, Мигель Альмирон 2022/2023 йилги мавсумда «Ньюкасл» сафида 26 та ўйинда майдонга тушди. Уларда футболчи 9 та гол урди ва шерикларига 3 та голли узатма берди.
