"Bavariya" prezidenti Kilian Mbappening jarohati haqidagi xabarga o‘z munosabatini bildirdi.
Eslatib o‘tamiz, "PSJ" hujumchisi Liga 1 doirasidagi "MonpelYE"ga qarshi o‘yinda (3:1) chap oyog‘ining son qismi jarohatlagan va uch haftaga safdan chiqqan edi. U myunxenliklar bilan Chempionlar ligasi 1/8 finalining birinchi o‘yinini o‘tkazib yuboradi.
"Futbolchiga achinaman, unda nima borligini bilmayman. Lekin Mbappening o‘yinini tomosha qilish har doim ko‘zni quvontiradi.
Agar u o‘ynamasa, Parij biroz kuchsizroq bo‘lishi mumkin, ammo biz hamma narsaga tayyor bo‘lishimiz kerak. Agar u o‘ynasa, biz baribir oldinga borishni xohlaymiz", - dedi Gerbert Xayner.
"PSJ" va "Bavariya" o‘rtasidagi ilk o‘yin 14 fevral kuni bo‘lib o‘tadi.
