"Бавария" президенти Килиан Мбаппенинг жароҳати ҳақидаги хабарга ўз муносабатини билдирди.
Эслатиб ўтамиз, "ПСЖ" ҳужумчиси Лига 1 доирасидаги "Монпелье"га қарши ўйинда (3:1) чап оёғининг сон қисми жароҳатлаган ва уч ҳафтага сафдан чиққан эди. У мюнхенликлар билан Чемпионлар лигаси 1/8 финалининг биринчи ўйинини ўтказиб юборади.
"Футболчига ачинаман, унда нима борлигини билмайман. Лекин Мбаппенинг ўйинини томоша қилиш ҳар доим кўзни қувонтиради.
Агар у ўйнамаса, Париж бироз кучсизроқ бўлиши мумкин, аммо биз ҳамма нарсага тайёр бўлишимиз керак. Агар у ўйнаса, биз барибир олдинга боришни хоҳлаймиз", - деди Герберт Хайнер.
"ПСЖ" ва "Бавария" ўртасидаги илк ўйин 14 февраль куни бўлиб ўтади.
