"Manchester Yunayted"ga yangi kelgan Marsel Zabitser jamoa bosh murabbiyi Erik ten Xeg haqida o‘z fikrlari bilan o‘rtoqlashdi.
"Har kuni ishlashda davom etaman, mashg‘ulotlarda bor kuchimni sarflayman, shuning uchun men shu yerdaman. Menga ten Xag qo‘l ostidagi jamoaning o‘yini yoqadi, u yaxshi murabbiy va men u bilan uchrashishni va uning qo‘l ostida o‘ynashni intiqlik bilan kutaman. Men bu yerda ekanligimdan juda xursandman va qo‘limdan kelganicha harakat qilaman. Ko‘ramiz, nima bo‘lishini, lekin men sovrinlar yutish uchun keldim", - dedi Zabitserning "Manchester Yunayted" saytiga.
28 yoshli futbolchi "Manchester Yunayted"ning asosiy jamoasiga qo‘shilgan birinchi avstriyalik bo‘lgani haqida ham fikr bildirdi.
"Bu tarix. Men agentlarim bilan bu haqda gaplashdim. Men g‘ururlanaman va yaxshi avstriyalik futbolchi bo‘lish uchun bor kuchimni sarflayman", - dedi Zabitser.
"Manchester Yunayted" futbolchini "Bavariya"dan mavsum oxirigacha ijaraga oldi. Joriy mavsumda Zabitser barcha turnirlarda 24 ta o‘yinda maydonga tushib, 1 ta gol va 1 ta golli uzatmani amalga oshirdi.
