"Манчестер Юнайтед"га янги келган Марсель Забитцер жамоа бош мураббийи Эрик тен Хег ҳақида ўз фикрлари билан ўртоқлашди.

"Ҳар куни ишлашда давом этаман, машғулотларда бор кучимни сарфлайман, шунинг учун мен шу ердаман. Менга тен Хаг қўл остидаги жамоанинг ўйини ёқади, у яхши мураббий ва мен у билан учрашишни ва унинг қўл остида ўйнашни интиқлик билан кутаман. Мен бу ерда эканлигимдан жуда хурсандман ва қўлимдан келганича ҳаракат қиламан. Кўрамиз, нима бўлишини, лекин мен совринлар ютиш учун келдим", - деди Забитцернинг "Манчестер Юнайтед" сайтига.

28 ёшли футболчи "Манчестер Юнайтед"нинг асосий жамоасига қўшилган биринчи австриялик бўлгани ҳақида ҳам фикр билдирди.

"Бу тарих. Мен агентларим билан бу ҳақда гаплашдим. Мен ғурурланаман ва яхши австриялик футболчи бўлиш учун бор кучимни сарфлайман", - деди Забитцер.

"Манчестер Юнайтед" футболчини "Бавария"дан мавсум охиригача ижарага олди. Жорий мавсумда Забитцер барча турнирларда 24 та ўйинда майдонга тушиб, 1 та гол ва 1 та голли узатмани амалга оширди.