«Rubin» yarim himoyachisi Umarali Rahmonaliyev kecha bo‘lib o‘tgan «Navbahor»ga qarshi o‘yindan keyin klubi matbuot xizmatiga intervyu berdi. Eslatib o‘tamiz, mazkur o‘yinda namanganliklar 0:6 hisobida mag‘lub bo‘lishgan bo‘lsa, Umarali o‘z hisobiga bitta gol yozdi.

— Juda quvnoq o‘yin bo‘ldi. «Navbahor» biz kutgandek o‘ynadi. Biz bunday o‘yinga tayyor edik. Albatta, hisob bunday yirik bo‘lib ketishini kutmagandik. Nazarimda, biz yaxshi o‘yin namoyish etdik. Bundan tashqari, raqib o‘zining eng yaxshi o‘yinini ko‘rsata olmadi. Shunday bo‘lsa-da, "Navbahor" O‘zbekiston chempionatining ikkinchi jamoasi. Bu o‘yinda gol urishni juda ham istagandim. Chunki, bu jamoaga qarshi O‘zbekiston chempionatida o‘ynaganman. U yerda ham chempionat saviyasi yaxshi. Imkoniyat yuzaga keldi va gol urdim. O‘yin boshidanoq gol urishni maqsad qilgandim.

— Mazkur uchrashuvda vatandoshingiz Rustam Ashurmatovning o‘yiniga qanday baho berasiz?
— U yaxshi futbol namoyish etdi. O‘ylashimcha, u ham o‘zining sobiq jamoasiga qarshi yaxshi o‘ynashni maqsad qilgandi. O‘yinimizga yakuniy bahoni esa murabbiyimiz beradi.