«Рубин» ярим ҳимоячиси Умарали Раҳмоналиев кеча бўлиб ўтган «Навбаҳор»га қарши ўйиндан кейин клуби матбуот хизматига интервью берди. Эслатиб ўтамиз, мазкур ўйинда наманганликлар 0:6 ҳисобида мағлуб бўлишган бўлса, Умарали ўз ҳисобига битта гол ёзди.

— Жуда қувноқ ўйин бўлди. «Навбаҳор» биз кутгандек ўйнади. Биз бундай ўйинга тайёр эдик. Албатта, ҳисоб бундай йирик бўлиб кетишини кутмагандик. Назаримда, биз яхши ўйин намойиш этдик. Бундан ташқари, рақиб ўзининг энг яхши ўйинини кўрсата олмади. Шундай бўлса-да, "Навбаҳор" Ўзбекистон чемпионатининг иккинчи жамоаси. Бу ўйинда гол уришни жуда ҳам истагандим. Чунки, бу жамоага қарши Ўзбекистон чемпионатида ўйнаганман. У ерда ҳам чемпионат савияси яхши. Имконият юзага келди ва гол урдим. Ўйин бошиданоқ гол уришни мақсад қилгандим.

— Мазкур учрашувда ватандошингиз Рустам Ашурматовнинг ўйинига қандай баҳо берасиз?
— У яхши футбол намойиш этди. Ўйлашимча, у ҳам ўзининг собиқ жамоасига қарши яхши ўйнашни мақсад қилганди. Ўйинимизга якуний баҳони эса мураббийимиз беради.