"Barselona" o‘ng qanot himoyachisi Serxi Roberto bilan yangi shartnoma borasida kelishuvga erisha olmadi.

Ispaniya matbuotining xabar berishicha, payshanba kuni 30 yoshli futbolchi taklif qilingan shartnomani imzolashdan bosh tortdi.

Relevo nashri xabariga ko‘ra, Roberto "Barselona" bilan shartnomasini bir yilga uzaytirmoqchi, biroq yana bir mavsum uchun avtomatik yangilash varianti shartnomaga kiritilishiga qarshi.

Serxi Robertoning amaldagi shartnomasi shu yilning iyun oyida yakuniga yetadi. Ispaniyalik futbolchi joriy mavsumda “Barselona” safida 18 ta o‘yinda maydonga tushib, 2 ta gol va 2 ta golli uzatmaga mualliflik qilgan.