"Барселона" ўнг қанот ҳимоячиси Серхи Роберто билан янги шартнома борасида келишувга эриша олмади.
Испания матбуотининг хабар беришича, пайшанба куни 30 ёшли футболчи таклиф қилинган шартномани имзолашдан бош тортди.
Relevo нашри хабарига кўра, Роберто "Барселона" билан шартномасини бир йилга узайтирмоқчи, бироқ яна бир мавсум учун автоматик янгилаш варианти шартномага киритилишига қарши.
Серхи Робертонинг амалдаги шартномаси шу йилнинг июнь ойида якунига етади. Испаниялик футболчи жорий мавсумда “Барселона” сафида 18 та ўйинда майдонга тушиб, 2 та гол ва 2 та голли узатмага муаллифлик қилган.
