"PSJ" yarim himoyachisi Renatu Sanshesh jamoaning asosiy tarkibidan joy ololmayapti.
Portugaliyalik futbolchi 2022 yilning yozida "Lill"dan 15 million yevro evaziga ko‘chib o‘tgan parijliklar safiga qo‘shilgan, biroq hali o‘zini yangi klubda topa olgani yo‘q.
"O‘zimga bo‘lgan ishonchni qozonish uchun ko‘proq o‘ynashim kerak. Bilaman, ayniqsa, jarohatdan tuzalayotganingizda bu juda qiyin. Ha, hozirgi holatimdan mamnun emasman, lekin hammasi joyida - hamma imkon qadar ko‘proq o‘ynashni xohlaydi. Lekin, albatta, murabbiyning qarorini hurmat qilaman. Uning vazifasi tarkibni aniqlash, mening vazifam esa tarkibga kirish uchun qo‘lidan kelgan barcha ishni qilish", - dedi Sanshesh L’Equipe bilan suhbatda.
