"ПСЖ" ярим ҳимоячиси Ренату Саншеш жамоанинг асосий таркибидан жой ололмаяпти.
Португалиялик футболчи 2022 йилнинг ёзида "Лилл"дан 15 миллион евро эвазига кўчиб ўтган парижликлар сафига қўшилган, бироқ ҳали ўзини янги клубда топа олгани йўқ.
"Ўзимга бўлган ишончни қозониш учун кўпроқ ўйнашим керак. Биламан, айниқса, жароҳатдан тузалаётганингизда бу жуда қийин. Ҳа, ҳозирги ҳолатимдан мамнун эмасман, лекин ҳаммаси жойида - ҳамма имкон қадар кўпроқ ўйнашни хоҳлайди. Лекин, албатта, мураббийнинг қарорини ҳурмат қиламан. Унинг вазифаси таркибни аниқлаш, менинг вазифам эса таркибга кириш учун қўлидан келган барча ишни қилиш", - деди Саншеш L’Equipe билан суҳбатда.
