"Nottingem Forest" klubi hujumchi Andre Ayyu bilan shartnoma imzolaganini e’lon qildi.
33 yoshli futbolchi jamoaga tekinga kelib qo‘shildi va mavsum oxirigacha shartnoma imzoladi. Ayyu 42-raqamli futbolkada harakat qiladi.
U joriy mavsum Qatarning “As-Sadd” jamoasi safida 10 ta o‘yinda maydonga tushib, 4 ta gol urdi va 1 ta golli uzatmani amalga oshirdi. 2023 yilning 29 yanvarida tomonlar o‘zaro kelishuvga ko‘ra shartnomani bekor qilishgan.
"Nottingem Forest" 20 o‘yindan keyin 21 ochko bilan Premyer-ligada 13-o‘rinni egallab turibdi.