"Ноттингем Форест" клуби ҳужумчи Андре Айю билан шартнома имзолаганини эълон қилди.
33 ёшли футболчи жамоага текинга келиб қўшилди ва мавсум охиригача шартнома имзолади. Айю 42-рақамли футболкада ҳаракат қилади.
У жорий мавсум Қатарнинг “Ас-Садд” жамоаси сафида 10 та ўйинда майдонга тушиб, 4 та гол урди ва 1 та голли узатмани амалга оширди. 2023 йилнинг 29 январида томонлар ўзаро келишувга кўра шартномани бекор қилишган.
"Ноттингем Форест" 20 ўйиндан кейин 21 очко билан Премьер-лигада 13-ўринни эгаллаб турибди.