"Yuventus" yarim himoyachisi Pol Pogbaning tizzasidan olgan jiddiy jarohatidan so‘ng futbol maydoniga qaytishi yana qoldirildi.
29 yoshli fransiyalik futbolchi so‘nggi mashg‘ulotlaridan birida mushaklarini shikastlab oldi.
O‘tgan hafta yarim himoyachi ilk bor turinliklar jamoasining "Monsa"ga (0:2) qarshi rasmiy o‘yin uchun qaydnomasiga kirgan edi. Pogba oxirgi marta 292 kun oldin "Manchester Yunayted"da o‘yin amaliyotiga ega bo‘lgandi.
Tuttomercatoweb nashrining La Gazette Dello Sport nashriga tayanib qayd etishicha, bosh murabbiy Massimiliano Allegri bu holatdan g‘azablangan va klubning avvalgi rahbariyati hatto Polning sog‘lig‘idagi doimiy muammolar tufayli uning shartnomasidan bonus to‘lovlarini olib tashlashga harakat qilgan.
Avvalroq Pogba shifokorlar gapiga quloq solmagan va terma jamoa tarkibida JCH-2022ga borish umidida operasiyani vaqtida o‘tkazishdan bosh tortgandi.
