«Los-Anjeles» himoyachi Serxi Palensiya bilan shartnoma imzolaganini e’lon qildi. 26 yoshli ispaniyalik futbolchi avvalroq «Sent-Etyen» bilan shartnomasini bekor qilgan holda MLS klubiga tekinga kelib qo‘shildi.

«Los-Anjeles» bilan shartnoma 2024 yilgacha mo‘ljallangan va uni 2025 yilgacha uzaytirish imkoniyati mavjud.

«Palensiya - Yevropaning oliy ligalarida tajribaga ega iqtidorli himoyachi. U «Los-Anjeles»da biz qurayotgan narsaga juda mos keladi va biz uni bu yerda kutib olishdan juda xursandmiz», dedi klub bosh menejeri Jon Torrington.

Palensiya - «Barselona» tarbiyalanuvchisi. U kataloniyaliklarning barcha o‘smirlar va yoshlar terma jamoalarida o‘ynagan.

«Barselona B» tarkibida u 103 ta o‘yin o‘tkazib, 2 ta gol va 8 ta golli uzatmani amalga oshirgan. 2018 yilda himoyachi «Bordo»ga ijaraga berilgan, shundan so‘ng «Sent-Etyen» futbolchini sotib olgandi. U «Leganes»da ham ijara asosida o‘ynagan.