«Лос-Анжелес» ҳимоячи Серхи Паленсия билан шартнома имзолаганини эълон қилди. 26 ёшли испаниялик футболчи аввалроқ «Сент-Этьен» билан шартномасини бекор қилган ҳолда МЛС клубига текинга келиб қўшилди.
«Лос-Анжелес» билан шартнома 2024 йилгача мўлжалланган ва уни 2025 йилгача узайтириш имконияти мавжуд.
«Паленсия - Европанинг олий лигаларида тажрибага эга иқтидорли ҳимоячи. У «Лос-Анжелес»да биз қураётган нарсага жуда мос келади ва биз уни бу ерда кутиб олишдан жуда хурсандмиз», деди клуб бош менежери Жон Торрингтон.
Паленсия - «Барселона» тарбияланувчиси. У каталонияликларнинг барча ўсмирлар ва ёшлар терма жамоаларида ўйнаган.
«Барселона Б» таркибида у 103 та ўйин ўтказиб, 2 та гол ва 8 та голли узатмани амалга оширган. 2018 йилда ҳимоячи «Бордо»га ижарага берилган, шундан сўнг «Сент-Этьен» футболчини сотиб олганди. У «Леганес»да ҳам ижара асосида ўйнаган.
