«Arsenal» bosh murabbiyi Mikel Arteta klub Gabriel Martinelli bilan shartnomani 2026/27 yilgi mavsum oxirigacha uzaytirgani haqidagi xabarga izoh berdi. Shu bilan birga, braziliyalik bilan kelishuvni yana bir yilga uzaytirish imkoniyati mavjud.
«Martinelli biz bilan shartnomasini uzaytirganidan juda xursandmiz. Gabriel hali juda yosh, shuning uchun kelajakda undan ko‘proq narsa kutamiz.
Kelgusi yillarda u biz bilan birga bo‘lishidan xursandmiz. Biz uning ajoyib iqtidorini rivojlantirishimiz kerak», dedi Arteta klub rasmiy saytiga bergan intervyusida.
Martinelli joriy mavsum APLda 7 ta gol urdi va ikkita golli uzatmani amalga oshirdi.
