«Арсенал» бош мураббийи Микель Артета клуб Габриэль Мартинелли билан шартномани 2026/27 йилги мавсум охиригача узайтиргани ҳақидаги хабарга изоҳ берди. Шу билан бирга, бразилиялик билан келишувни яна бир йилга узайтириш имконияти мавжуд.
«Мартинелли биз билан шартномасини узайтирганидан жуда хурсандмиз. Габриэль ҳали жуда ёш, шунинг учун келажакда ундан кўпроқ нарса кутамиз.
Келгуси йилларда у биз билан бирга бўлишидан хурсандмиз. Биз унинг ажойиб иқтидорини ривожлантиришимиз керак», деди Артета клуб расмий сайтига берган интервьюсида.
Мартинелли жорий мавсум АПЛда 7 та гол урди ва иккита голли узатмани амалга оширди.
