"Arsenal"ning yaponiyalik himoyachisi Takexiro Tomiyasu "kanonirlar"ning Premyer-ligadagi joriy mavsumdagi chempionlik ambisiyalari haqida gapirdi.
“Biz Premyer-ligada g‘alaba qozonishni orzu qilamiz. Angliya chempioni bo‘lish har bir futbolchining orzusi. Vaholanki, biz hozirgacha bor-yo‘g‘i 19 ta o‘yin o‘tkazdik, shuning uchun g‘alaba haqida gapirishga hali erta. Bosh murabbiy aytganidek, o‘yindan o‘yinga kuchayish kerak. Biz bor e’tiborimizni muvaffaqiyatli o‘yinga qaratganmiz”, - dedi yaponiyalik himoyachi.
19 ta o‘yindan so‘ng “Arsenal” 50 ochko to‘pladi va APL turnir jadvalida peshqadamlik qilmoqda. London klubi eng yaqin ta’qibchidan besh ochkoga oldinda.
