"Арсенал"нинг япониялик ҳимоячиси Такехиро Томиясу "канонирлар"нинг Премьер-лигадаги жорий мавсумдаги чемпионлик амбициялари ҳақида гапирди.
“Биз Премьер-лигада ғалаба қозонишни орзу қиламиз. Англия чемпиони бўлиш ҳар бир футболчининг орзуси. Ваҳоланки, биз ҳозиргача бор-йўғи 19 та ўйин ўтказдик, шунинг учун ғалаба ҳақида гапиришга ҳали эрта. Бош мураббий айтганидек, ўйиндан ўйинга кучайиш керак. Биз бор эътиборимизни муваффақиятли ўйинга қаратганмиз”, - деди япониялик ҳимоячи.
19 та ўйиндан сўнг “Арсенал” 50 очко тўплади ва АПЛ турнир жадвалида пешқадамлик қилмоқда. Лондон клуби энг яқин таъқибчидан беш очкога олдинда.
