“Barselona” ayollari deyarli ikki yildan buyon ichki chempionatda ochko yo‘qotgani yo‘q, klub ketma-ket 52 uchrashuvda g‘alaba qozongani haqida xabar bergan edik. Seriya 2021 yilning may oyida boshlangan, shu vaqt ichida “Barselona” 250 dan ortiq gol urgan va bor-yo‘g‘i 19 ta gol o‘tkazib yuborgan.

Ma’lum bo‘lishicha, bunday seriya FIFA shafeligidagi butun futbol tarixidagi mutlaq rekorddir, hech kim, hech qayerda hech qanday musobaqada bunchalik uzoq vaqt g‘alaba qozonmagan.

Avvalgi rekord ham ayollar futbolida o‘rnatilgandi – 2011 yil dekabridan 2014 yil yanvarigacha bo‘lgan vaqt oralig‘ida Fransiyaning "Lion" klubi ketma-ket 46 uchrashuvda g‘alaba qozonishgan.