Madridning "Real" klubi zaxira darvozaboni Andrey Lunin faoliyatini boshqa klubda davom ettirmoqchi, bunga sabab esa uning o‘yin amaliyotisiz qolayotgani, deb xabar bermoqda Marca.
Joriy mavsumda Lunin Kurtua o‘rniga yettita o‘yinda maydonga tushdi va o‘z darvozasidan to‘rtta gol o‘tkazib yubordi, shuningdek uch marta quruq o‘yin o‘tkazdi. "Madrid" ustozi Karlo Anchelotti Lunin yetarli darajada rivojlanmayotganiga ishonadi va "Real Madrid" rahbariyatidan klubning ikkinchi darvozaboni roliga boshqa darvozabon topishni so‘radi.
Luninning shartnomasi 2024 yilning yoziga qadar mo‘ljallangan, uning transfer narxi 4 million yevroga baholanmoqda.













