"Bavariya" boshqaruvi raisi Oliver Kan darvozabon Manuel Noyerning Toni Tapalovichning darvozabonlar murabbiyi lavozimidan chetlatilgani haqidagi so‘zlariga tanqidiy munosabat bildirdi.
"Manuelning ushbu intervyularda Tapalovichning ishdan bo‘shatilishi haqida aytganlari unga sardor sifatidagi va "Bavariya" qadriyatlariga to‘g‘ri kelmaydi! Qolaversa, uning gaplari o‘z vaqtida aytilmayapti, chunki bizni juda muhim o‘yinlar kutib turibdi", - dedi Kan.
Noyerning o‘zi bu mavsumda endi jamoaga yordam bera olmaydi, ta’tilda chang‘i uchayotganda oyog‘i singan. Uning o‘rniga "Borussiya"dan Yann Zommer sotib olindi.
