"Бавария" бошқаруви раиси Оливер Кан дарвозабон Мануэль Нойернинг Тони Тапаловичнинг дарвозабонлар мураббийи лавозимидан четлатилгани ҳақидаги сўзларига танқидий муносабат билдирди.
"Мануэлнинг ушбу интервьюларда Тапаловичнинг ишдан бўшатилиши ҳақида айтганлари унга сардор сифатидаги ва "Бавария" қадриятларига тўғри келмайди! Қолаверса, унинг гаплари ўз вақтида айтилмаяпти, чунки бизни жуда муҳим ўйинлар кутиб турибди", - деди Кан.
Нойернинг ўзи бу мавсумда энди жамоага ёрдам бера олмайди, таътилда чанғи учаётганда оёғи синган. Унинг ўрнига "Боруссия"дан Янн Зоммер сотиб олинди.
