"Nyukasl" hujumchisi Entoni Gordon haydovchilik guvohnomasi olib qo‘yilganidan keyin mashinani boshqargani uchun qamoq jazosiga hukm qilinishi mumkin.
45 million funt evaziga "Everton"dan "Nyukasl"ga ko‘chib o‘tishga muvaffaq bo‘lgan Gordon dushanba kuni olti oyga mashina haydash huquqidan mahrum qilingandi.
Mashinasini boshqargan haydovchining shaxsini oshkor qilishdan ikki marta bosh tortgan 21 yoshli ingliz uchun bu jazo bo‘ldi.
Bir necha kundan so‘ng, chorshanba kuni Gordon o‘zining 100 000 funt sterlinglik qora Mercedes G-Wagon mashinasida qiz do‘sti bilan ketayotganida qo‘lga tushdi.
Britaniya qonunchiligiga ko‘ra, Gordon bunday jinoyati uchun olti oygacha qamoq jazosiga hukm qilinishi mumkin, deb yozadi The Sun.
