"Tottenxem" murabbiyi Kristian Stellini "shporlar" ustozi Antonio Kontening o‘t pufagini olib tashlash bo‘yicha operasiya qilinganidan keyingi holati haqida gapirdi.
“Operasiya yaxshi o‘tdi va Antonio undan tiklana boshladi. Hammasi yaxshi ketmoqda, hech qanday muammo yo‘q va u o‘zini yaxshi his qilmoqda, shuning uchun biz hammamiz bundan xursandmiz.
Biz operasiyadan keyin gaplashdik, lekin bu faqat Antonioning ovozini eshitish va operasiyadan keyin u bilan hamma narsa yaxshi ekanini tushunish edi. Operasiyadan chiqqanidan so‘ng u menga qo‘ng‘iroq qildi va keyingi o‘yin haqida gapira boshladi. Va mendan mashg‘ulotlar qanday o‘tganini so‘rab, bo‘lajak o‘yin haqida maslahat berdi", - deya Stellini so‘zlarini keltiradi "Tottenxem" rasmiy sayti.
5 fevral, yakshanba kuni Angliya Premyer-ligasining 22-turidan o‘rin olgan “Tottenxem” – “Manchester Siti” uchrashuvi bo‘lib o‘tadi.
