Angliya chempionatining 22-turi doirasida bir qancha o‘yinlar bo‘lib o‘tdi.

«Manchester Yunayted» o‘z maydonida «Kristal Pelas»ni qabul qildi. Bahsning 7-daqiqasida Brunu Fernandesh penaltidan hisobni ochgan bo‘lsa, 62-daqiqada Reshford farqni ikkitaga oshirdi.

Uchrashuvning 70-daqiqasida Kazemiro maydondan chetlatilgach, oradan ko‘p o‘tmasdan mehmonlar hisobni bittaga qisqartirishdi. Mankunianliklar esa hisobni saqlab qolib, g‘alabani qo‘lga kiritishdi. "MYU" ushbu g‘alaba tufayli o‘z ochkolarini 45taga yetkazib, 2-o‘rindagi "Manchester Siti"ga yetib oldi.

«Liverpul» esa safarda «Vulverxempton» klubi mehmoni bo‘lib, yirik 0:3 hisobida imkoniyatni boy berib qo‘ydi.

"Lester" safardan chiroyli g‘alaba bilan qaytadigan bo‘ldi. "Aston Villa" birinchi bo‘limda "tulkilar" darvozasiga 2ta gol urgandi. Ammo lesterliklar keyin 4ta gol urib, g‘alabani ilib ketishdi.

Angliya chempionati, 22-tur
Manchester Yunayted – Kristal Pelas 2:1 (1:0)
Gollar: 1:0 – 7, penalti Brunu Fernandesh, 2:0 – 62 Reshford, 2:1 – 76 Shlupp.
Manchester Yunayted – De Xea, Uan-Bissaka, Varan, Martines, Shou, Kazemiro, Fred, Brunu Fernandesh, Vegorst (Garnacho, 59), Reshford, Antoni (Zabitser, 81).
Kristal Pelas – Guaita, Klayn, Gexi, Richards, Mitchell, Shlupp (Mateta, 83), Xyuz (Lokonga, 72), Dukure (Axamada, 82), Olise, Ayyu (Eze, 73), Eduar.
Ogohlantirishlar: Mitchell (45), Shlupp (67), Antoni (67).
Chetlatish: Kazemiro (70).

Vulverxempton – Liverpul 3:0 (2:0)
Gollar: 1:0 – 5, avtogol Matip, 2:0 – 12 Douson, 3:0 – 71 Ruben Nevesh.
Vulverxempton – Joze Sa, Semedu, Douson, Kilmen, Ait-Nuri (Kastro, 84), Mateush Nunesh, Lemina (Podense, 83), Ruben Nevesh, Sarabiya (Moutinyu, 60), Xvan Xi Chxan (Traore, 42), Mateus Kunya (Ximenes, 60).
Liverpul – Alisson, Aleksander-Arnold, Matip, Gomes, Robertson (Simikas, 86), Baychetich (Elliott, 77), Tiago Alkantara (Milner, 85), Keyta (Xenderson, 65), Salax, Gakpo (Oksleyd-CHemberlen, 85), Nunyes.
Ogohlantirishlar: Douson (45), Gomes (75).

Aston Villa – Lester 2:4 (2:1)
Gollar: 1:0 – 9 Uotkins, 1:1 – 12 Meddison, 2:1 – 32, avtogol Suttar, 2:2 – 41 Ixeanacho, 2:3 – 45 Tete, 2:4 – 79 Prat.
Aston Villa – Martines, Yang (Kesh, 59), Mingz, Konsa, Din (Moreno, 46), Remzi (Koutinyo, 46), Buendia, Kamara (Dendonker, 82), Duglas Luis, Uotkins, Beyli (Duran, 82).
Lester – Uord, Kastan, Fas, Suttar, Kristiansen (Tomas, 81), Tilemans, Meddison (Prat, 67), Barns, Dyuzberi-Xoll (Mendi, 67), Ixeanacho (Vardi, 67), Tete (Seyundjyu, 83).
Ogohlantirishlar: Kastan (56), Seyundjyu (86), Tilemans (88).

Brayton – Bornmut 1:0 (0:0)
Gol: 1:0 – 87 Mitoma.
Brayton – Sanches, Lempti (Buonanotte, 75), Dank, Veltman, Estupinyan, Mitoma, Gross, March (Uebster, 89), Gilmor (Kaysedo, 57), Uelbek (Sarmiyento, 57), Undav (Ensiso, 75).
Bornmut – Neto, Smit, Senesi, Mifem, Zemura, Lerma, Billing (Rotuell, 66), Traore (Kristi, 61), Uattara, Semenyo, Entoni (Vinya, 81).
Ogohlantirishlar: Veltman (9), Dank (70), Kaysedo (79), Smit (84).

Brentford – Sautgempton 3:0 (2:0)
Gollar: 1:0 – 41 Mi, 2:0 – 44 Mbemo, 3:0 – 80 Yensen.
Brentford – Rayya, Xiki (Roerslev, 61), Mi, Pinnok, Genri, Nergor, Yensen (Damsgor, 82), Dasilva (Yanelt, 61), Touni, Vissa (Shade, 74), Mbemo (Yorgensen, 82).
Sautgempton – Bazunu, Bri, Bednarek, Salisu, Perro, Elyunussi (Onuachu, 46), Uord-Prouz, Diallo (Sulemana, 46), Lavia (Alkaras, 65), Adams (Armstrong, 81), Edozi (Uolkott, 65).
Ogohlantirishlar: Lavia (59), Touni (64), Salisu (90).