"Manchester Yunayted" barcha musobaqalarda o‘z uyida o‘tkazgan so‘nggi 13 uchrashuvda g‘alaba qozondi. Bu "mankunianliklar"ning 2010 yil dekabr oyidan 2011 yil sentyabr oyiga qadar davom etgan “Old Trafford”dagi eng uzoq g‘alabali seriyasidir.
Eslatib o‘tamiz, bugun "Manchester Yunayted" APL doirasida o‘z maydonida "Kristal Pelas"ni mag‘lub etdi, g‘alaba evaziga Erik ten Xag shogirdlari 42 ochko jamg‘arib, Angliya chempionati turnir jadvalining kuchli to‘rtligidan joy olishda davom etishdi. Mezbonlar tarkibida Brunu Fernandesh va Markus Reshford gol kiritishdi.
Navbatdagi o‘yinda “qizil iblislar” liga autsayderlaridan biri – “Lids” mehmoni bo‘ladi, uchrashuv 12 fevralga belgilangan.