"Манчестер Юнайтед" барча мусобақаларда ўз уйида ўтказган сўнгги 13 учрашувда ғалаба қозонди. Бу "манкунианликлар"нинг 2010 йил декабрь ойидан 2011 йил сентябрь ойига қадар давом этган “Олд Траффорд”даги энг узоқ ғалабали сериясидир.
Эслатиб ўтамиз, бугун "Манчестер Юнайтед" АПЛ доирасида ўз майдонида "Кристал Пэлас"ни мағлуб этди, ғалаба эвазига Эрик тен Хаг шогирдлари 42 очко жамғариб, Англия чемпионати турнир жадвалининг кучли тўртлигидан жой олишда давом этишди. Мезбонлар таркибида Бруну Фернандеш ва Маркус Рэшфорд гол киритишди.
Навбатдаги ўйинда “қизил иблислар” лига аутсайдерларидан бири – “Лидс” меҳмони бўлади, учрашув 12 февралга белгиланган.