"Chelsi" yarim himoyachi Meyson Maunt bilan shartnomani uzaytirish taklifini rad etganidan keyin u bilan muzokaralarni to‘xtatdi. Bu haqda Daily Mail xabar bermoqda.
Meyson jamoa rahbarlari uni yangi kelganlarga qaraganda kamroq qadrlashini his qildi. Uning amaldagi shartnomasiga ko‘ra, Maunt haftasiga 80 ming funt maosh oladi. Futbolchi yangi shartnomaga ko‘ra, "Chelsi"dan maoshini 3 baravar oshirishni istamoqda, ammo klub unga Raxim Sterling kabi yangi kelganlardan ancha kam maosh taklif qilgan.
Kelgusida muzokaralar davom etishi kutilmoqda. Enso Fernandes va Mixail Mudrik bilan shartnoma imzolagandan so‘ng, Meyson o‘zining klubdagi maqomiga shubha qilmoqda.
Maunt "Chelsi" akademiyasining bitiruvchisi. Futbolchi joriy mavsumda klub safida 28 ta o‘yinda maydonga tushib, 3 ta gol urdi va 6 ta golli uzatmani amalga oshirdi.
