"Челси" ярим ҳимоячи Мейсон Маунт билан шартномани узайтириш таклифини рад этганидан кейин у билан музокараларни тўхтатди. Бу ҳақда Daily Mail хабар бермоқда.

Мейсон жамоа раҳбарлари уни янги келганларга қараганда камроқ қадрлашини ҳис қилди. Унинг амалдаги шартномасига кўра, Маунт ҳафтасига 80 минг фунт маош олади. Футболчи янги шартномага кўра, "Челси"дан маошини 3 баравар оширишни истамоқда, аммо клуб унга Рахим Стерлинг каби янги келганлардан анча кам маош таклиф қилган.

Келгусида музокаралар давом этиши кутилмоқда. Энцо Фернандес ва Михаил Мудрик билан шартнома имзолагандан сўнг, Мейсон ўзининг клубдаги мақомига шубҳа қилмоқда.

Маунт "Челси" академиясининг битирувчиси. Футболчи жорий мавсумда клуб сафида 28 та ўйинда майдонга тушиб, 3 та гол урди ва 6 та голли узатмани амалга оширди.