Turkiyada o‘quv-yig‘in mashg‘ulotlari doirasida "Neftchi" jamoasi navbatdagi nazorat-o‘rtoqlik bahsida Armanistonning "Alashkert" klubi bilan kuch sinashdi. Uchrashuv minimal 0:1 hisobida raqiblarimizning foydasiga hal bo‘ldi. Uchrashuvdan so‘ng farg‘onaliklar bosh murabbiyi Vitaliy Levchenko o‘yin hususida o‘z fikrlarini bildirib o‘tdi.

"Bellashuvda keskin qarama-qarshilik guvohi bo‘ldik, chunki har ikkala jamoa vakillari ham sifatli o‘yin namoyish qilishdi. Ikkinchi bo‘lim boshlarida himoyada yagona pozisiyaviy hatomizdan unumli foydalanib qolgan raqiblarimiz darvozamizni  ishg‘ol etishdi. Bellashuvning 60-daqiqasida tarkibimizni rotasiya qilish oqibatida bir nechta yangi o‘yinchilarni maydonga tushirdik. Shundan so‘ng o‘yindagi tashabbus to‘laligicha biz tomonga o‘tgach, ko‘pgina golli vaziyatlarni yaratdik. Ammo, raqiblarimizning posboni ishonchli o‘yin ko‘rsatib, to‘laqonli golga tortadigan havfli vaziyatlarni bartaraf etishga erishdi.

Yig‘inlar doirasida mashg‘ulotlarni olib boramiz va keyingi raqib bilan bo‘lib o‘tadigan uchrashuvga tayyorgarlikni davom ettiramiz", — dedi bosh murabbiy.

"Neftchi" PFK matbuot xizmati