"Xatayspor" klubi bosh murabbiyi Mustafo Ozat, jamoa futbolchisi Kristian Atsu Turkiyadagi zilzilalardan keyin vayronalar ostidan topilganini aytdi. Qayd etilishicha, sportchi tabiiy ofatdan keyin binolarning qulashi natijasida jarohat olgan.

"Kristian Atsu yaralangan holda topildi. Sport direktorimiz Taner Savut, afsuski, hanuz vayronalar ostida. Hatay juda ko‘p azob chekdi. Biz eng xavfli soatlarning oxiriga yaqinlashmoqdamiz", — dedi Ozat Millyet bilan suhbatda.

Jurnalist Saddik Adams ham Atsu topilib, kasalxonaga yotqizilgani haqida xabar berdi. Kristian Yevropada "Chelsi", "Nyukasl", "Everton" va boshqa bir qator klublarda o‘ynagani bilan mashhur.

O‘tgan kun davomida Turkiyada bir qator zilzilalar sodir bo‘ldi. Eng kuchli zarbalar 7,8 magnitudaga ega edi. Tabiiy ofatlar natijasida Turkiya bo‘ylab ko‘plab binolar qulab tushdi. Dastlabki hisob-kitoblarga ko‘ra, hozirda minglab odamlar vayronalar ostida qolmoqda.