"Хатайспор" клуби бош мураббийи Мустафо Озат, жамоа футболчиси Кристиан Атсу Туркиядаги зилзилалардан кейин вайроналар остидан топилганини айтди. Қайд этилишича, спортчи табиий офатдан кейин биноларнинг қулаши натижасида жароҳат олган.
"Кристиан Атсу яраланган ҳолда топилди. Спорт директоримиз Танер Савут, афсуски, ҳануз вайроналар остида. Ҳатай жуда кўп азоб чекди. Биз энг хавфли соатларнинг охирига яқинлашмоқдамиз", — деди Озат Millyet билан суҳбатда.
Журналист Саддик Адамс ҳам Атсу топилиб, касалхонага ётқизилгани ҳақида хабар берди. Кристиан Европада "Челси", "Ньюкасл", "Эвертон" ва бошқа бир қатор клубларда ўйнагани билан машҳур.
Ўтган кун давомида Туркияда бир қатор зилзилалар содир бўлди. Энг кучли зарбалар 7,8 магнитудага эга эди. Табиий офатлар натижасида Туркия бўйлаб кўплаб бинолар қулаб тушди. Дастлабки ҳисоб-китобларга кўра, ҳозирда минглаб одамлар вайроналар остида қолмоқда.
