«Manchester Siti» mutasaddilari bosh murabbiy Xosep Gvardiolaning ketishiga hozirlik ko‘rmoqda. Bu haqda Britaniya matbuoti xabar bermoqda.

Manba bergan xabarga ko‘ra, «shaharliklar» rahbarlari Gvardiolaning yaqinda aytgan shov-shuvli gaplaridan keyin darhaqiqat klubdan ketishiga ishonmoqda. Eslatib o‘tamiz, «Man Siti» ko‘plab moliyaviy firibgarliklarda ayblanmoqda.

Premyer-liga «shaharliklar»ni moliyaviy feyr-pley qoidalarini muntazam ravishda buzganlikda aybladi. «Siti»ni Premyer-ligadan chetlatish varianti ham bor.