Londonning “Vest Xem” klubi yarim himoyachisi Deklan Rays Angliya Premyer-ligasining bir qancha top-klublari uchun transfer maqsadi hisoblanadi.
Todofichaes'ning so‘zlariga ko‘ra, APLning amaldagi yetakchisi - "Arsenal" yozgi transfer oynasida 24 yoshli futbolchini qo‘lga kiritishga harakat qiladi. "Kanonirlar" uning uchun 100 million yevrodan ko‘proq taklif qilishga tayyor.
“Arsenal”ning yarim himoyachi uchun raqiblari “Manchester Yunayted” va “Chelsi”.
O‘z navbatida, "Vest Xem" o‘zining yetakchi futbolchisi bilan 135 million evro evaziga xayrlashishga tayyor. Raysning "bolg‘achilar" bilan shartnomasi 2024 yilning yozida yakuniga yetadi.













